Para o "Proxecto Terra" tivemos que realizar uns traballos de investigación, sobre a data de construción, materiais... sobre varios edificios emblemáticos de Narón. A min tocoume o edificio da actual biblioteca de Narón. É un edificio de estilo modernista con forma circular, que consta de soto, planta baixa, primeira e segunda planta. Como o traballo ten que conter información documental e imaxes fixen un percorrido polas distintas plantas e saquei diversas fotografías do interior e do exterior desde diferentes ángulos.

Para ampliar a información da parte documental do traballo, fun falar co arquitecto técnico do Concello de Narón, Antonio Rodríguez Abad, que ademais de facilitarme os planos do proxecto, faloume da construción, materiais...